Kva må du ha med på prøvedagen?

Det du må ha

Gyldig legitimasjon med bilete. Pass, nasjonalt ID-kort, norsk førarkort eller bankkort med bilete, avhengig av kva prøvestaden godtar. Sjekk med prøvestaden i forkant om du er i tvil om dokumentet ditt held.

Dette er ikkje ei formalitet. Utan godkjend legitimasjon får du ikkje ta prøva, og gebyret er allereie betalt. Det er den vanlegaste grunnen til at nokon møter opp og likevel ikkje får gjennomført.

Det du ikkje trenger

• Eigen PC. Prøva blir teken på utstyret til prøvestaden.
• Skrivesaker, med mindre prøvestaden seier noko anna.
• Dokumentasjon på opplæring. Prøva er uavhengig av om du har hatt dei 75 timane.

Det du ikkje får ha med inn

Mobiltelefon, smartklokke, notat og oppslagsverk. Prøva er ei kontrollert gjennomføring, og prøvestaden vil ha ting lagt bort.

Møt opp i god tid

Kom tidleg nok til at registreringa ikkje er stressande. Kjem du etter at prøva har starta, kan du bli avvist, og då betaler du gebyret på nytt.

Om noko er uklart

Ring prøvestaden. Dei svarer på dette kvar veke, og fem minutt på telefon er billegare enn ein bomtur.